٣٦٥ يوم صلاة
٣٦٥ يوم صلاة هو برنامج صلوات يومية يهدف إلى مساعدتك في بناء علاقة حقيقية مع الله، علاقة قريبة وحية ومليئة بالتفاصيل. كل يوم تقدم صلاة قصيرة تذكرك بأنك لست وحدك، وأن الله حاضر ليسمع كل دقة من قلبك. الهدف هو أن تسكن في حضرته وتعرفه أكثر، وتعيش معه علاقة شخصية عميقة ومتجددة.
Episodes
وحشتني يا رب | الحلقة ٣٤
اليوم ٣٤ | ٣٦٥ يوم من الصلاة يا رب، وسط الزحمة، والجري، والتشتيت…ساعات ببعد من غير ما أحس، وألاقي روحي عطشانة ليكأكتر من أي حاجة تانية.في حاجات كتير حواليا بتاخد وقتي، بس ما فيش حاجة بتملّي قلبي زيك.ولا في سلام يشبه السلام اللي بحسه وأنا قريبة منك.يا رب، أنا مشتاقة لك. مشتاقة لصوتك الهادي جوايا،للطمأنينة اللي بترجّعني لنفسي، وللنور اللي بيخلّي كل حاجة أوضح.
مشاركة الله مع الناس | الحلقة ٣٣
اليوم ٣٣ | ٣٦٥ يوم من الصلاةيا رب، ساعات بخاف أشارك نورك مع غيري…أخاف من رأي الناس، أو إني ما أكونش "كفاية".بس إنت عمرك ما طلبت مني الكمال،إنت طلبت قلب صادق.إدّيني الشجاعة ، إني ما أخبيش الخير اللي عملته في حياتي.الشجاعة إني أتكلم عن السلام اللي لقيته معاك،حتى لو بصوت هادي، وحتى لو بكلمة صغيرة.
الطاعة و الخضوع | الحلقة ٣٢
اليوم ٣٢ | ٣٦٥ يوم من الصلاةيا رب، الطاعة مش سهلة. خصوصًا لما اللي إنت بتطلبهيكون عكس خوفي، أو عكس اللي أنا مخططاله.بس علّمني أثق إن أوامرك مش قيود،لكن حماية. وإن خضوعي ليك مش ضعف…لكن أمان.
علّمني أحب بهدوء | الحلقة ٣١
اليوم ٣١ | ٣٦٥ يوم من الصلاةيا رب…خلّي محبتي تشبهك.محبة تتأنّى، وترفق،وتفضل نورفي زمن بقى فيه القسوة أسهل من الرحمة.
البيوت ترجع بيوت | الحلقة ٣٠
اليوم ٣٠ | ٣٦٥ يوم من الصلاةيا رب، الانقسام دخل بيوت كتير، وخلى القريبين يبقوا أبعد من الغُرب.إرجع يا رب الودّ، قبل ما يرجع الكلام. إرجع القلوب لبعض، حتى لو اللسان لسه مش قادر يعتذر.لين القلوب اللي قست، واكسر الكبرياء اللي واقف في النص، وفكّر كل واحد قد إيه العِشرة أغلى من أي خلاف.
المعلمين والتعب اللي يواجهوه | الحلقة ٢٩
اليوم ٢٩ | ٣٦٥ يوم صلاةيا رب، المعلمين شايلين تعب مش سهل، ضغط، ومسؤولية، وأوقات إحباط ما بيتقالش.إدّيهم يا رب قوة يكملوا، وصبر لما المجهود ما يتقدّرش، وطاقة يبدأوا من جديد كل يوم.بارك كلامهم، وكل كلمة بيقولوها، وخليها تسيب أثر حقيقي في حياة الطلاب.يا رب، لما يتعبوا، ريّحهم.
الراحة في أوقات الألم | الحلقة ٢٨
اليوم ٢٨ | ٣٦٥ يوم صلاةيا رب، إهدّي الوجع اللي جوايا، والتفكير اللي ما بيوقفش، والتعب اللي مش لاقي له اسم.علّمني أعدّي الأيام الصعبة من غير ما أفقد نفسي، ومن غير ما أسيب الأمل.إدّيني راحة مش مرتبطة بالظروف، لكن جاية من وجودك، راحة تلمس قلبي حتى وأنا لسه في نص الألم.وإبعت يا رب ناس حواليا تفهم، وتسند، وتكون حضن في وقت أنا محتاجه.
توجيه الشباب | الحلقة ٢٧
اليوم ٢٧ | ٣٦٥ يوم صلاة الشباب تايه بين طرق كتير، وصوت العالم عالي، وكل حاجة بتشدّهم في اتجاه.يا رب، في اختيارات كل يوم، وفي لحظات بتفرق بين طريق يِبني, وطريق يِضيع.إدّيهم حكمة يميّزوا، وقلب يسمع صوتك وسط الزحمة، وشجاعة يقولوا "لا" لأي حاجة تبعدهم عن الخير.
الأطباء والممرضين | الحلقة ٢٦
اليوم ٢٦ | ٣٦٥ يوم صلاةيا رب، الأطباء والممرضين، اللي شايلين تعب ناس كتير، وبيشوفوا الألم عن قرب، وبيقفوا ثابتين حتى لما قلبهم يتأثر. إدّيهم يا رب قوة، لما التعب يكتر، وصبر
التكنولوجيا | الحلقة ٢٥
اليوم ٢٥ | ٣٦٥ يوم صلاةيا رب، احفظ عقلي من المقارنة، وقلبي من التشتت، وروحي من إنها تتوه وسط الزحمة الرقمية.خلّيني أعرف أوقف، وأهدى، وأرجع لنفسي… ولك.وإستخدم كل حاجة في إيدي علشان أكون نور، مش مجرد صوت زيادة في الزحمة.
كون نورًا في المجتمع | الحلقة ٢٤
اليوم ٢٤ | ٣٦٥ يوم صلاة علّمني أكون نور. نور في طريقتي، في كلامي، وفي حضوري وسط الناس.يا رب، خلّي كلمتي ترفع مش تكسّر، وتطبطب مش تجرح.خلّيني لما أدخل مكان أسيب فيه سلام، ولما أقابل حد أسيب في قلبه حاجة حلوة.
طلاب كتير شايلين ضغط | الحلقة ٢٣
اليوم ٢٣ | ٣٦٥ يوم صلاة إدّيهم يا رب ذهن هادي، وقدرة يركّزوا من غير تشتيت، وطاقة يكملوا حتى لما يتعبوا. ساعدهم ينظّموا وقتهم، ويفهموا اللي بيدرسوه مش بس يحفظوه.يا رب، شيل عنهم رهبة الامتحان، وفكّرهم إن تعبهم مش هيروح هدر، وإن كل خطوة بيعملوها ليها قيمة.
فُقدان بيت | الحلقة ٢٢
اليوم ٢١ | ٣٦٥ يوم صلاة في ناس كتير سايبة بيوتها غصب عنها، مشيوا وهم شايلين خوفهم وأمل صغير إنهم يلاقوا مكان آمن. يا رب، في عيون شافت حاجات تقيلة، وفي قلوب اتكسرت من فُقدان بيت، أو وطن، أو أمان كانوا فاكرينه ثابت.إنت شايف تعب الطريق، والغربة اللي مش بس مكان… لكن إحساس جوا القلب. يا رب، كن ملجأ لكل لاجئ، وسند لكل نازح.
الأرض أمانة | الحلقة ٢١
اليوم ٢١ | ٣٦٥ يوم صلاةيا رب، علّمنا نحب الأرض مش بس بالكلام، لكن بالاختيارات الصغيرة اللي بنعملها كل يوم.خلّينا نحافظ على النعمة، على الهوا، على المية، على كل تفصيلة إنت خلقتها بحكمة.
إيمان ثابت | الحلقة ٢٠
اليوم العشرون | ٣٦٥ يوم صلاةيا رب، إدّيني قلب يمسِك فيك حتى لما كل حاجة حواليا بتتغيّر. وإيمان يكمّل حتى لو ما فيش إجابات واضحة. علّمني ما أربطش وجودك بنتايج أنا مستنياها، لكن أصدق إنك حاضر في كل وقت… حتى في الصمت. ولما أتعب، فكّرني بكل مرة كنت معايا، وعدّيتني من حاجات كنت فاكرة إنها أكبر من
أنا عايز أسامح | الحلقة ١٩
اليوم التاسع عشر | ٣٦٥ يوم صلاةيا رب، أنا عايزة أسامح… بس أوقات المسامحة بتبقى أصعب بكتير من الوجع نفسه. علّمني أسامح مش عشان اللي قدامي، لكن عشان قلبي يرتاح. شيل من جوايا الغضب اللي تقيل، والمرارة اللي بتسرق سلامي. ساعدني أسيب اللي فات بين إيديك، وما أفضلش عايشة جوا نفس الألم.ويا رب… لو أنا كمان جرحت حد، أو قصّرت، إدّيني شجاعة أعتذر، وقلب متواضع يعرف يصلّح.
الله وسط الاذى | الحلقة ١٨
اليوم الثامن عشر | ٣٦٥ يوم صلاةيا رب، في قلوب اتجرحت بالعنف، في خوف ساكن جواهم، وفي ذكريات تقيلة بتلاحقهم حتى في الهدوء. إنت شايف يا رب كل حاجة… شايف اللي حصل، وسامع الصرخة اللي يمكن ما خرجتش بصوت. إقرب منهم يا رب، وإحُطهم بحضورك، وإبدأ تشفي الأماكن اللي اتكسرت جواهم. بدّل الخوف بأمان، والوجع براحة، والصمت بصوت يرجّع لهم كرامتهم.
وحدة | الحلقة ١٧
اليوم السابع عشر | ٣٦٥ يوم صلاةالقلب لسا حاسس انه لوحده. يارب حوالينا رسايل مبتقفش. وشاشات بتوصلنا بالناس طول الوقت. بس جوا القلب في صمت كبير. بس أنت يا رب شايف الكلام اللي متقالش. والأسئلة اللي جوا قلبي. والاحساس اللي مبعرفش أشرحه. لحد لما الوحدة تيجي. رغم الزحمة. فكرني أني مش لوحدي. وأن حضورك أصدق من أي تواصل. خلي قلبي يلاقي الصحبة الحقيقية فيك.
المعيشة بقت صعبة | الحلقة ١٦
اليوم السادس عشر | ٣٦٥ يوم صلاةانت شايف قد ايه الحياة بقت أصعب. كل حاجة حوالينا بتغلى وحاجات بسيطة كانت زمان بقت محتاجة حساب وتفكير. يارب في قلق بقى ساكن قلوب ناس كتير. قلق على البيت وعلى الأكل وعلى بكره. في ناس بتحاول تعيش بكرامة وهي شايلة هم كل يوم جديد. وأسر كتير بتعمل أقصي ما عندها عشان تكمل الطريق. يا رب إدي السلام لقلوبنا وسط الضغوط دي. وعلمنا نعيش بحكمة ولا الإكتفاء حتى في الأوقات الصعبة. ا
بسلم احلامي بين إيديك | الحلقة ١٥
اليوم الخامس عشر | ٣٦٥ يوم صلاةانت عارف ان جوايا طموح كبير. بس يا رب ساعات الطموح بخلي قلبي يجري أسرع من سلامة. أبص لقدام كتير وانسى. أشكر على اللي في ايدي دلوقتي. علمني يا رب التوازن. أحلم من غير ما تعب قلبي بالمقارنة. وأجتهد من غير ما أفقد الرضا. خليني أسعى للأفضل بس بقلب هادئ وواثق إن قيمتي مش بس في اللى أحققه. بس في اللي إنت شايفه فيا. يا رب إديني شجاعة أكمل الطريق. وصبر لما النتايج تتأخر وعي
هويتي | حلقة ١٤
اليوم الرابع عشر | ٣٦٥ يوم صلاةصلاة لكل مَن يسعى لإعادة اكتشاف قيمته الحقيقية. هي تضرُّع القلب للتجرّد من الهويات الزائفة؛ تلك التي فرضها العالم، أو خلّفتها الإخفاقات الماضية، أو التجارب المؤلمة.إنها إعلانٌ عن الوقوف بثقة ، ليس كبرياءً، بل ثقةً بكونك ابن محبوب لله. هي تذكيرٌ بأن هويتنا لا تُكتسب بالجهد، بل نتقبلها بنعمةٍ ورضا، ومن خلال الحب الثابت لأبٍ يذكرنا دائمًا بأسمائنا.
هدي دماغي | الحلقة ١٣
اليوم الثالث عشر | ٣٦٥ يوم صلاة انت شايف اللي جوايا حتي لما شكلي من برة باين كويس. شايف التعب اللي مبيتحركش والافكار اللي بتلف في دماغي ومش بتهد يا رب. في ايام بيبقى كل حاجة تقيلة مشاعر والتفكير وحتى الحاجات البسيطة علمني متهربش من اللي حاسة بيه. بس اجي واجيب قلبي كله قدامك بضعفه وأسئلته وتعبه. هدي يا رب الدوشة اللي في دماغي واملأ قلبي بسلام أعمق من القلق. خليني أفتكر ان الراحة مش ضعف وان طلب ال
علمني اتنفس | الحلقة ١٢
اليوم الثاني عشر | ٣٦٥ يوم صلاة يا رب سعات الخوف بيجي فجأة من غير سبب واضح. بحس اني تايهة جوة دماغي. ومش قادرة اهدي نفسي لوحدي. ساعتها يا رب قرب متسيبنيش أواجه القلق لوحدي وما تطلبش مني أبقى قوية زيادة عن طاقتي. بس طمني وقولي بهدوء أنا ماسكك. بدل القلق بسلامك والتوتر براحة والخوف بثقة فيك كل مرة. لأنك بترجع تخليني أفتكر إن اسمك سلام، وإن وجودك أقوى من أي فكرة بتخوفني إنت يا رب ملجأي. ومعاك القلق
شريك حياة | الحلقة ١١
اليوم الحادي عشر | ٣٦٥ يوم صلاة أنت عارف قلبي، بعرف الأحلام الصغيرة لجوايا من المستقبل. عارف يا رب رغبتي في حياة فيها مشاركة حقيقية، فيها شخص نمشي مع بعض الطريق، نساند بعض، ونبقى لبعض أمان وسط زحمة الدنيا. يا رب أسلم لك مستقبلي بالكامل، العلاقات اللي هتيجي في حياتي، والناس اللي هتقرب مني، والطريق اللي هيمشي قلبي.ولحد ما الطريق يوضح، علمني عيشي الأيام دي بسلام. واثق إن حياتي في إيديك بتتكتب بأجمل
بشكرك على أمي | الحلقة ١٠
اليوم العاشر | ٣٦٥ يوم صلاة أشكرك يا رب على أمي. على حضنها الذي كان دوماً الملجأ الذي أهرع إليه كلما تغير العالم من حولي. وعلى قلبها الذي حمل همومي حتى قبل أن أنطق بها.علمني يا رب أن أحبها كما يجب، ليس بالكلمات فقط، بل بوجودي ورعايتي. علمني أن يقدّر قلبي قيمتها قبل فوات الأوان. يا رب، أذكر أمامك كل قلب فقد أمه. أنت وحدك تعلم مرارة هذا الغياب؛ اقترب منهم، امسح دموعهم، واملأ الفراغ الذي تركوه بفيض
الاخبار تعبتني | الحلقة ٩
اليوم التاسع | ٣٦٥ يوم صلاة نشعر أحياناً أن الشر قد علا، وأن السلام بعيد المنال. لكنك أنت يا رب إله السلام والنور الذي لا ينطفئ. يا رب، علّمنا أن نكون صُنّاع سلام حتى في عالمٍ يملؤه الصراع.وعندما تضطرب قلوبنا بالأخبار، ذكّرنا بأنك ما زلت موجوداً، وما زلت قادراً، وأنك ستزرع سلامك حتى في وسط الحروب. يا رب، أنزل السلام على الأرض واجعلها تتنفس من جديد.
أعطيني حكمة | حلقة ٨
اليوم الثامن | ٣٦٥ يوم صلاة صلاةٌ من أجل البصيرة، والتواضع، والسلام الداخلي. تطلبُ هذه الصلاة الحكمةَ للإصغاء قبل التحدث، والقوةَ لاختيار الطريق الحق بدلاً من الطريق السهل، والنعمةَ لتمييز صوت الحقيقة وسط الضجيج.
Recommended
15 Minutes with Jesus: Christian Meditation, Guided Prayer, Bible Study, Emotional Healing, Devotional, Hear God’s Voice
180Podcast.
1856 Podcast-YMCA of South Hampton Roads
1984
1984, by George Orwell
19 Keys Presents High Level Conversations
19 Observations on mining and refining of critical minerals
1A
1Dime Radio
1of10 Podcast
오늘 미국은
$100M Offers by Alex Hormozi, Book Summary, Podcast, English
